Fire NOC Gujarat: ફાયર NOC મેળવવાની સરળ રીત અહીં જાણો!

Fire NOC Gujarat: તાજેતરમાં ગુજરાતમાં બનેલી દુઃખદ અગ્નિકાંડની ઘટનાઓએ આપણને ફાયર સેફ્ટીના મહત્વની યાદ અપાવી છે. આવી ઘટનાઓ ભવિષ્યમાં ન બને તે માટે સરકાર સજાગ થઈ છે અને કઠોર પગલાં લઈ રહી છે.

ફાયર NOC મેળવવાની પ્રક્રિયા | Fire NOC Gujarat

તમે પણ જો કોઈ ધંધાકીય સ્થળના માલિક હોવ તો ફાયર સેફ્ટીના નિયમોનું પાલન કરવું આપણી સૌની જવાબદારી છે. સૌ પ્રથમ, જો તમારી પાસે હજુ સુધી ફાયર NOC નથી, તો તમારે તાત્કાલિક નજીકના ફાયર વિભાગનો સંપર્ક કરવો જોઈએ.

ફાયર NOC મેળવવા માટે, તમારે સૌપ્રથમ તમારા બિલ્ડીંગ કે સ્થળની જરૂરિયાત મુજબ ફાયર સેફ્ટીના તમામ સાધનો યોગ્ય જગ્યાએ અને યોગ્ય અંતરે લગાવવા પડશે. આ કામ પૂર્ણ થયા બાદ, તમારે ફાયર વિભાગમાં NOC માટે ઓનલાઈન અરજી કરવાની રહેશે. ત્યારબાદ, ફાયર વિભાગના અધિકારી તમારા સ્થળની મુલાકાત લઈને નિયમોનું પાલન ચકાસશે. જો બધું નિયમોનુસાર હશે તો તમને NOC આપવામાં આવશે.

શાળા અને હોસ્પિટલ માટે ખાસ સૂચના

શાળા, હોસ્પિટલ જેવી સંસ્થાઓ માટે આ બાબતે વધુ કડક વલણ અપનાવાયું છે. જો તેમની પાસે NOC હોય પણ ફાયર સેફ્ટીના સાધનો હજુ ઇન્સ્ટોલ નથી, તો 60 દિવસની અંદર તેઓએ આ કાર્ય પૂર્ણ કરવું ફરજિયાત છે.

હોટલ અને પાર્ટી પ્લોટ માટે

હોટલ અને પાર્ટી પ્લોટ માટે પણ આ નિયમો લાગુ પડે છે, જોકે સમય મર્યાદા બાબતે હજુ ચર્ચા વિચારણા ચાલી રહી છે. તો પણ, તમામ હોટલ અને પાર્ટી પ્લોટ માલિકોએ વહેલી તકે ફાયર સેફ્ટીના સાધનો ઇન્સ્ટોલ કરી લેવા જોઈએ અને NOC માટે અરજી કરવી જોઈએ.